ബെംഗളൂരു: നിയമസഭാ തെരഞ്ഞെടുപ്പ് അടുത്തിരിക്കേ ഓള്ഡ് മൈസൂരു മേഖലയില് കൂടുതല് ശ്രദ്ധ പതിപ്പിക്കാനൊരുങ്ങി ബിജെപി നേതൃത്വം. അധികാരത്തുടര്ച്ചയ്ക്ക് ഓള്ഡ് മൈസൂരുവില് മികച്ച വിജയം അനിവാര്യമാണെന്ന വിലയിരുത്തലിലാണു ബിജെപി നേതൃത്വം.
വൊക്കലിഗ സ്വാധീനമേഖലയായ ഓള്ഡ് മൈസൂരു മേഖലയില് ദശകങ്ങളായിട്ടും വേരുറപ്പിക്കാന് ബിജെപിക്കു കഴിഞ്ഞിട്ടില്ല. ജെഡി-എസ്, കോണ്ഗ്രസ് കക്ഷികളാണ് ഇവിടെ പ്രബലം. രാമനഗര, മണ്ഡ്യ, മൈസൂരു, ചാമരാജ്നഗര്, കുടക്, കോലാര്, തുമകുരു, ഹാസന് ജില്ലകള് ഉള്പ്പെടുന്നതാണ് ഓള്ഡ് മൈസൂരു മേഖല. ജെഡി-എസ് നേതാവും മുന് മുഖ്യമന്ത്രിയുമായ എച്ച്.ഡി. കുമാരസ്വാമിയും കര്ണാടക പിസിസി അധ്യക്ഷന് ഡി.കെ. ശിവകുമാറും ഓള്ഡ് മൈസുരുവിലെ പ്രബലമായ വൊക്കലിഗ വിഭാഗക്കാരാണ്.
മേഖലയിലെ 58 നിയമസഭാ മണ്ഡലങ്ങളില് ജെഡി-എസിന് 24 എണ്ണമുണ്ട്. കോണ്ഗ്രസ്-18, ബിജെപി-15 എന്നിങ്ങനെയാണു മറ്റു കക്ഷികളുടെ നില. ബിഎസ്പിയില്നിന്നു പുറത്താക്കപ്പെട്ട എന്. മഹേഷ് ബിജെപിയെ പിന്തുണയ്ക്കുന്നു.
കര്ണാടകത്തില് ഒറ്റയ്ക്കു ഭൂരിപക്ഷം നേടണമെങ്കില് ഓള്ഡ് മൈസൂരുവില് മികച്ച പ്രകടനം അനിവാര്യമാണെന്നു ബിജെപി നേതൃത്വം മനസിലാക്കിയിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
